Мақсаты – Қазақстанның азаматтық қоғамын дамытудың маңызды құралдарының бірі ретінде қарастырылатын еріктілер қызметін қолдау және алға жылжыту.

 «Komandа SOS» Еріктілердің үйлестіру орталығы:

• әрбір жеке тұлғаның өз уақытын, дарынын және күш-қуатын ешқандай сыйақы күтпестен жеке және ұжымдық акциялар арқылы басқа адамдарға арнауына мүмкіндік береді;

• адамдардың шығармашылық әлеуетін толығымен ашып көрсетуге мүмкіндік беретін жаңа білім, дағдылар алуына жағдай жасайды;

• әркімнің өзіндегі үздік қасиеттерді ашып көрсетуіне мүмкіндік береді;

• отбасылық және әлеуметтік құндылықтарды, азаматтық және ғаламдық ынтымақтастықты насихаттайды.

• бүкіл қоғамды алда тұрған проблемаларды анықтау және оларды шешу үдерісіне жұмылдырады. 

Еріктілердің үйлестіру орталығының ерікті жобалары: 

• Алматы қаласының әкімдігі және World Class фитнес клубымен бірлесе Алматы Марафонын өткізуге көмектесу;

• Дәстүрлі қайырымдылық бойынша серіктестік бағдарламалар шеңберінде қайырымдылық және еріктілер көмегін ұсыну.